食譜 • 博客

Recipe ‧ Blog

Apr 2019

魚生小知識:吞拿魚(介紹篇)

Image Description

伽藍遲啲將會返一種急凍吞拿魚刺身,係來自土耳其既藍鰭吞拿魚刺身,$130/200g,經過田老闆親身試過,解凍完之後入口即溶,誠意推介!同出面放題食到既差天共地~密切留意!歡迎預購!

鮪魚(又名金槍魚,吞拿魚),係一種鯖科既海洋生物,大部分都屬於鮪屬。鮪魚有8個品種,其中多數品種都體積巨大,最大既體長達3.5公尺,重達600至700公斤,而最小既品種只有3公斤重。鮪魚既繁殖能力好強,一條50公斤重既雌魚,每年可以產卵500萬粒。

「黑鮪魚」,俗稱「魠樂」或「黑黯鯧」, 產量只佔鮪魚所有漁獲量之2%,係鮪魚類中最大型種,黑鮪肚(腹部)既肉質係最肥美嗰部份,俗稱TORO(とろ),一般會用嚟製成刺身;背部乾煎後,口感柔軟;下巴適合香烤,魚頭用來燉湯或清蒸。 「黑鮪魚」 有兩種 :南方黑鮪 和 北方黑鮪。


閱讀更多 ...

Apr 2019

魚生小知識:吞拿魚(解凍篇)

Image Description

今次我田老闆就教大家點樣解凍原塊吞拿魚魚生先至最好味~!

冷凍吞拿魚的解凍步驟:
1:用長方形容器,1L 40度暖水+30g食鹽,攪均後製成暖鹽水。食鹽能幫助清走吞拿魚上的雪味。
2:從雪櫃中取出吞拿魚,浸在水中約30秒至1分鐘。
3:吞拿魚在水中同時,用手輕輕地擦去吞拿魚表面的粉末。
4:從水中取出吞拿魚,用廚房紙巾輕輕印走表面水份及粉末。
5:用廚房紙巾墊底,將吞拿魚放在紙巾上,再用另一張紙巾印出水份。
6:在廚房紙巾包裹的狀況下再放入雪櫃約1至2小時,令吞拿魚變為半解凍狀況下食用最理想。

PS:在解凍過程中,吞拿魚縮身是正常狀況,代表吞拿魚愈新鮮。


閱讀更多 ...

Apr 2019

魚生小知識:吞拿魚(暖鹽水篇)

Image Description

伽藍遲啲將會返一種急凍吞拿魚刺身,係來自土耳其既藍鰭吞拿魚刺身,$130/200g,經過田老闆親身試過,解凍完之後入口即溶,誠意推介!同出面放題食到既差天共地~密切留意!歡迎預購!

之前教過大家用暖鹽水解凍吞拿魚,今次就同大家講下點解要用暖鹽水解凍,主因有四個:
1:可以快速解凍
2:保持吞拿魚肉色
3:保持吞拿魚鮮味
4:沒有溫度/季節差

因為吞拿魚是在鹽水(海水)下生育,如果將吞拿魚直接放進清水解凍,會令魚的鮮味流進清水中,用鹽水就能避免出現此情況。


閱讀更多 ...

Apr 2019

魚生小知識:吞拿魚(購買篇)

Image Description

田老闆係到教大家,選購吞拿魚時候應該避免以下貨品:


1:肉身現毛細血管
2:盒內的吸水紙現血水
3:有白色冰塊在魚肉上,代表解凍失敗
4:魚肉的角位已變鈍,代表已經放置一段時間

 

額外小貼士:愈近頭部既吞拿魚魚筋,間隔比近尾部的魚筋疏;魚筋之間距離愈遠代表魚脂愈小,如果不太喜歡多魚脂既朋友可選購此類魚生。


閱讀更多 ...

Apr 2019

刺身冷知識:伴碟

Image Description

大家平時係街買刺身個陣,盒入面都會有啲伴碟係到,通常係小量蘿蔔絲或者一朵小菊花,但究竟係有咩用呢?

原來呢啲伴碟除左係為左令到刺身賣相更靚,提高食慾之外,仲有消臭、殺菌同埋抗菌既作用!而刺身既伴碟亦分為三種:「けん」「つま」「辛み」。

「けん」讀音ken:就係將啲蔬菜切到好似劍咁幼,細長而尖銳。通常都係用白蘿蔔切成絲放係刺身底部,因為蘿蔔絲係白色既關係,係日本亦有「白髮」呢個稱號。
「つま」讀音tsuma:指放係刺身旁作裝飾,例如幼芽葱、蘘荷、小菊花、紫蘇花/葉、同埋海藻。
「辛み」讀音karami:指生薑或山葵(又稱wasabi)。

唔知大家食刺身個陣,會唔會食埋啲伴碟(蘿蔔絲)呢?根據日本網站訪問左一萬二千人,發現有76%既受訪者會食埋啲蘿蔔絲,原因係有部份人覺得可以食埋剩底既魚汁、又或者夾埋刺身一齊食、食完可以清一清口腔等等。而唔食既人普遍認為只係裝飾,食唔食都無所謂。睇完日本人既說法,唔知大家又點睇呢??



閱讀更多 ...